6 ශ්රේණිය ඉංග්රීසි මොඩියුලයේ නුසුදුසු යෙදුමක් - පරීක්ෂණයක් ආරම්භ කෙරේ
December 30, 2025 07:01 pm
6 ශ්රේණිය ඉංග්රීසි භාෂාවට අදාළ මොඩියුලයක යම් නුසුදුසු වෙබ් අඩවියක නාමය ලෙස දැක්වෙන හැඳින්වීමක් කර ඇති බවට ලද පැමිණිල්ලක් මත ඒ පිළිබඳව සොයා බැලූ අතර එම පැමිණිල්ල නිවැරදි බවට තහවුරු වී ඇතැයි අධ්යාපන අමාත්යාංශය පවසයි.
ජාතික අධ්යාපන ආයතනය විසින් පිළියෙළ කළ 6 ශ්රේණිය ඉංග්රීසි භාෂාවට අදාළ මොඩියුලය මේ වන විට මුද්රණය අවසන් කර ඇත.
එබැවින් එම මොඩියුලය බෙදාහැරීම අත්හිටවනු ඇති අතර ඒ සම්බන්ධයෙන් වහාම ක්රියාත්මක වන පරිදි පරීක්ෂණයක් ද ආරම්භ කර ඇති බව අධ්යාපන අමාත්යාංශය පවසයි.
ඒ පිළිබඳව හෙට දිනයේදී අපරාධ පරික්ෂණ දෙපාර්තමේන්තුව වෙත ද පැමිණිලික්ද සිදුකිරීමට අපේක්ෂිත බව අධ්යාපන අමාත්යාංශය වැඩිදුරටත් සඳහන් කරයි.
